ZIARA YA KAMATI YA FEDHA UBUNGO KWA ROBO YA NNE 2022/2023.

Posted on: July 27th, 2023

Kamati ya Fedha Manispaa ya Ubungo kwa robo ya nne 2022/2023 tarehe 27/07/2023 imefanya ziara ya kukagua utekelezaji wa mradi wa ujenzi wa vibanda vya wanyabiashara katika soko la Simu 2000.

Akiongea Meneja wa soko hilo Geofrey Mbwama wakati akitoa taarifa ya ujenzi huo amesema Manispaa inatarajia kujenga jumla ya block 25 zenye jumla ya mabanda 250,  ambapo kwa awamu ya kwanza block 17 zimejengwa zenye idadi ya wafanya biashara 170 na zimakamilika kwa 97% na unatarajiwa kukamilika ifikapo tarehe 12/08/2023.

Mbwama ameendelea kusema ujenzi wa vibanda hivyo utapelekea soko hilo kuwa na mvuto wa mfanano kutokana na mpangilio mzuri wa mabanda, kuongeza mzunguko wa biashara, kuwaweka wafanyabiashara eneo moja pamoja na kuongeza mapato ya Halmashauri.

Aidha, Mbwama amesema vibanda hivyo vitachochea kuongezeka kwa mapato kwani hapo awali kulikuwa na vibanda 660 na vilivyokuwa vinatumika ni vibanda 167 kutokana na hali ya vibanda vya zamani kutokuwa rafiki kwa wafanyabiashara hao hivyo vibanda vya sasa vitakuwa zaidi ya 167 na kupelekea kuongezeka kwa mapato ya Manispaa hiyo.

Kwa upande wake Mwenyekiti wa kamati hiyo Mhe. Juma Japhary Nyaigesha ameelekeza vibanda hivyo vikasimamiwe vyema ile viendelee kuwa na muonekano mzuri.