ZIARA YA MKURUGENZI NTIRUHUNGWA KWENYE UKAGUZI WA MIRADI

Posted on: September 23rd, 2023

Mkurugenzi wa Halmashauri ya Manispaa ya Ubungo Elias Ntiruhungwa mapema  tarehe 23 septemba, 2023 amefanya ziara ya ukaguzi wa miradi na kuagiza kasi ya utekelezaji wa miradi iongezeke ili iweze kukamilika kwa wakati 

Katika ziara hiyo Ntiruhungwa amekagua ujenzi wa shule ya msingi Ubungo NHC,mradi wa ujenzi wa Shule ya Sekondari King'azi, shule ya msingi  kibamba, shule ya msingi Msakuzi Kusini, Shule ya Sekondari ya Dar es Salaam Girls na ujenzi wa shule ya Msingi Tegeta A.

Akitembelea mradi wa ujenzi wa shule mpya ya Sekondari King'azi amepongeza hatua ya mradi ulipofikia na kuwaagiza ifikapo jumatatu mabati katika madarasa yawe yameshaezekwa na pia ifikapo tarehe 28 septemba, 2023 mradi uwe umekamilika

Halikadhalika Ntiruhungwa amepongeza hatua ya mradi wa ujenzi wa Shule ya sekondari ya Dar es salaam girls na shule ya Msingi Kibamba kwa kasi wanayoenda nayo 

"Mmejitahidi maelekezo niliyoyatoa mmeyafata hatua za mradi ipo vizuri na ntaendelea kutembelea ifikapo muda wa kukabidhi kila kitu kiwe kimekamilika"

Halikadhalika, Ntiruhungwa aliagiza katika miradi yote ambayo bado haijakamilika na kasi ya ujenzi ni ndogo  aliwaagiza Mhandisi na Afisa Elimu kuhakikisha wanakesha kusimamia miradi hiyo ikamilike na ifikapo tarehe 28 septemba, 2023 miradi hiyo ikabidhiwe ikiwa imekamilika.

"Kazi ifanyike usiku na mchana katika miradi ambayo haijakamilika nitapita kuona kama utekelezaji unafanyika". Alisisitiza Ntiruhungwa

Mkurugenzi Manispaa ya Ubungo Elias Ntiruhungwa akiongea na mafundi alipotembelea ujenzi wa shule ya sekondari ya King'azi nakuwasisitiza waongeze kasi ya ujenzi ili mradi wukamilike kwa wakati