ZIARA YA UKAGUZI WA MIRADI

Posted on: October 15th, 2023

Mkurugenzi wa Manispaa ya Ubungo ndg. Elias Ntiruhungwa amewataka wakandarasi wanaojenga miradi mbalimbali katika Manispaa hiyo kufanya kazi usiku na mchana  kukamilisha miradi hiyo kwa wakati ili wananchi waanze kunufaika.

Ntiruhungwa ametoa agizo hilo oktoba 15, 2023 akiwa kwenye ziara ya kukagua miradi mbalimbali ya uboreshaji wa miundombinu ya elimu na afya katika Manispaa hiyo na kueleza kuwa kukamilika kwa miradi hiyo kutasogeza huduma karibu na wananchi.

Akikagua ujenzi wa shule mpya tatu za msingi kibamba, Tegeta A na Msakuzi kusini na sekondari mbili za King'azi A na Ubungo NHC, Ntiruhungwa amesema lengo la Manispaa ni kukamilisha miradi hiyo mwezi huu hivyo amewataka wakandarasi wafanye kazi usiku na mchana ili ikamilike kwa wakati.

Aidha, katika ukaguzi huo, Ntiruhungwa akiwa ameambatana na wataalamu pia amekagua ujenzi wa kituo cha afya Goba na makuburi ambapo ujenzi wake uko hatua za umaliziaji.

Mkurugenzi manispaa ya Ubungo ELIAS NTIRUHUNGWA akiwa na wataalam katika ukaguzi wa miradi