ZOEZI LA ARDHI CLINIK,ZIMESALIA SIKU 3

Posted on: December 8th, 2023

Zoezi la utoaji wa hati papo kwa papo kwa Wilaya ya Ubungo linaloendelea katika viwanja vya Kimara stopover litahitimishwa siku ya jumanne ya tarehe 12/12/2023 ambapo mpaka sasa  zimebaki siku 3 na jumla ya hati 1300 zimeshatolewa mpaka sasa  sambamba na utatuzi wa migogoro 150

Akizungumza  kuhusiana na zoezi hilo Mkuu wa Idara ya Ardhi na Mipango miji Manispaa ya Ubungo Fadhili Hussein amepongeza muitikio wa  wananchi kujitokeza kwa wingi kwa siku za mwishoni ambapo imesaidia kufikia nusu ya malengo ya kutoa jumla ya hati 3,419

Fadhili aliendelea kueleza kuwa, kwa sasa zoezi hili limewanufisha wananchi wale ambao maeneo yao yalishafanyiwa upimaji na walifanikiwa viwanja vyao kupatiwa  namba lakini zoezi hili litaendelea na kwa awamu ya pili ya ukwamuaji kwa  wananchI ambao bado hatua ya utambuzi wa maeneo yao haujafanyika watafikiwa na zoezi hili kwa awamu ya pili inayotegemewa kuanza mwezi januari ambapo utafanyika utambuzi wa maeneo yao na kupati hati papo hapo.

Niendelee kuhamasisha wananchi kufika Kimara stopover kwa siku izi chache zilizobakia waweze kunufaika na zoezi hili. alisistiza Fadhili

Nae mwananchi mkazi wa Mbezi luic Mariam ameipongeza Serikali ya awamu ya sita kwa zoezi hili kwani limetatua changamoto za wananchi wasio na kipato kikubwa kwa punguzo la asilimia 50 lililotolewa na kuwezesha wananchi wenye kipato cha chini kumiliki hati ya maeneo yao

"kutokana na umuhimu wa zoezi hili kuokoa watu wengi kwa kurahisisha upatikanaji wa  hati kwa haraka, natamani zoezi hili liendelee"alisema hayo bi Anna