ZOEZI LA USAFISHAJI MITO LAPONGEZWA

Posted on: January 10th, 2024

Zoezi la Usafishaji wa mito inayopita kwenye maeneo ya makazi ya wananchi katika  Manispaa ya Ubungo, limepunguza kwa kiwango kikubwa madhara  yatokanayo na kujaa maji kwa mito hiyo kipindi cha mvua.

Hayo yamebainishwa na Kamati ya Mipangomiji na Mazingira  ya Manispaa hiyo wakati wa ukaguzi wa maeneo yaliyoathiriwa na mvua zinazoendelea kunyesha ukiwemo mto china uliopo kata ya Makurumla  na kusema kuwa kabla ya mto huo kusafishwa wananchi wanaoishi kandokando ya mto huo walikosa mahali pa kuishi baada ya maji kujaa kwenye makazi yao.

Akiongea kwenye ziara mwenyekiti wa Kamati hiyo Mhe Lumbugu amesema "kamati inaipongeza Manispaa kwa kuweka mkakati wa kusafisha mito ukiwemo mto china kwani kwa sasa wananchi wa eneo hili hawapati madhara ya kuingiliwa na maji majumbani mwao hata mvua ikinyesha"

Aidha, kamati pia imewaelekeza  wataalamu kufanya marekebisho kwenye miundombinu iliyoathiriwa na mvua ikiwemo shule maalumu ya wasichana ya Dar es salaam (Dar Es Salaam Girls) ili miundombinu hiyo ibaki kwenye ubora wake