CLINIK YA ARDHI NDANI YA UBUNGO HATI PAPO HAPO

Posted on: November 13th, 2023

Waziri wa Ardhi Nyumba na Maendeleo ya Makazi Mhe. Jerry  Silaa, amezindua rasmi zoezi la utoaji hati  milikiza ardhi papo kwa papo kwa kutumia njia ya kielektroniki  katika wilaya ya Ubungo Novemba 13, 2023

Uzinduzi huo umefanyika katika viwanja ya Stop over Kimara Wilayani humo na Mhe. Silaa  ambapo amewataka wananchi kujitokeza kwa wingi  kupata huduma hiyo inayotolewa na Manispaa ya Manispaa ya Ubungo kwa kushirikiana na wizara ya ardhi na maendeleo ya makazi lengo ikiwa ni kuhakikisha  kila mwananchi anayestahili kupata hati anapata papo kwa papo na zoezi hilo sio kwa wananchi wa Ubungo pekee bali wananchi wote wa maeneo mbalimbali kutoka katika Mkoa wa Dar es Salaam

Zoezi hili la Urasimisha wa umiliki wa ardhi ni Sehemu ya mradi wa Uboreshaji  Usalama wa Milki za Ardhi unaofadhiliwa na Benki ya Dunia na jumla ya hati 3419 zinatarajiwa kutolewa katika zoezi hilo litakalofanyika kwa muda wa siku 25.

Aidha, Mhe. Silaa amesema kupitia mradi huu Serikali imepunguza kwa 50% gharama za kupima na kuandaa hati  hivyo Serikali inatarajia wananchi wote wanaostahili kumilikishwa ardhi wanamilikishwa ili kuwa na usalama wa ardhi zao.

Nae. Mkurugenzi wa Manispaa ya Ubungo Ndg Elias Ntiruhungwa  amemshukuru Mhe. Rais wa jamhuri ya muungano wa Tanzania Dkt.Samia suluhu Hassan kwa kutafuta fedha za mradi huu muhimu kwa maendeleo ya wananchi maana ardhi ikipimwa na kuwa na hati thamani yake pia inapanda.

Ntiruhungwa ameeleza kuwa Manispaa ya Ubungo kwa mwaka fesha 2023/2024 imetenga shilingi bilioni 1.9 kwa ajili ya upimaji hivyo tunashukuru serikali kuja na mpango huu unaofadhiliwa na benki ya dunia utawezesha maeneo yote kupimwa na kupatiwa hati miliki kwani wananchi wamepokea zoezi kwa furaha.

Sylvester Mgina ni mmoja ambaye amepata hati yake leo kwenye zoezi hilo anasema amefurahishwa na mpango huu kwani amepata hati yake kwa muda mfupi na anarejera kwenye majukumu yake, ameshauri Serikali zoezi hili lifanyike nchi nzima ili wananchi wamiliki ardhi kihalali lakininpia serikali itakusanya mapato ya kutosha.

Mradi wa uboreshaji usalama wa Milki za ardhi (LTIP) unalenga kutatua changamoto zote zinazokabili urasimisha