KAMATI YA AFYA YAFANYA KIKAO KAZI

Posted on: September 17th, 2021

Kamati ya afya Msingi ngazi ya Wilaya  yafanya  kikao kazi kuhusiana na maswala ya uhamasishaji wa chanjo ya UVIK0- 19

Akifungua kikao hicho tarehe 17,septemba,2021 Mkuu wa Wilaya ya Ubungo Mhe.Kheri James ambaye pia ni mwenyekiti wa kamati hiyo ameendelea kuwakumbusha  wananchi kuhakikisha wanaendelea kuchua tahadhari Kama zinavyotolewa  na wizara ya afya na kupata chanjo ya UVIKO -19 ambayo inatolewa bila malipo nchini kote

Aliendelea kusema kuwa Chanjo ya UVIKO-19 ni hiari Ila tunaendelea kuhamasisha wananchi kupata chanjo hiyo kama kinga

Aidha ameendelea kusisitiza kwa wajumbe kuhakikisha usimamizi na kuratibu shughuli  kazi ya utoaji wa chanjo inafanikiwa kwa kiasi kikubwa kwa kuwafikia  walengwa  wote ambao wapo katika wilaya

Akisoma taarifa fupi kuhusiana na utoaji wa chanjo ulipofikia mpaka sasa Mratibu wa chanjo Manispaa ya Ubungo Ndg.Boniphasi Katikilo amesema kuwa mpaka sasa watu 14,921 wamefikiwa  Toka chanjo ilipotolewa ambapo wanawake ni 5,640 sawa na 36% na wanaume ni 9,281 sawa na 64%  

Aliendelea kusema kuwa shughuli za utekeleza wa utoaji wa elimu unaendelea na kuhamasisha jamii na taasisi mbalimbali kuhakikisha wanaweka vifaa vya kutakasa mikono katika maeneo yao

Pia kusimamia mwongozo ambao unawataka wananchi kuendelea kufanya shughuli zao za kiuchumi na jamii sambamba na  kubadili tabia zao huku wakizingatia mbinu za kujikinga na ugonjwa huo