KAMATI YA USHAURI YA WILAYA (DCC) YASHAURI UANZISHWAJI WA MIRADI MKAKATI

Posted on: January 26th, 2022

Kamati ya Ushauri ya Wilaya ya Ubungo (DCC) imeishauri Wilaya hiyo kuwa na mpango wa kuanzisha miradi mkakati itakayolenga kizalisha ajira na kukuza uchumi wa wananchi 

Hayo yameelezwa na wajumbe wa kamati hiyo katika kikao cha kujadili na na kupitisha makadilio ya mpango na bajeti kwa mwaka wa fedha 2022/2023 ambapo Halmashauri hiyo imejipanga kukusanya Tsh bilioni 105.8 kwa ajili ya matumizi ya kawaida na miradi ya maendeleo.

Akichangia kwenye kikao hicho Mh Mbunge wa Jimbo la Ubungo Kitila Mkumbo ameeleza kuwa ni vyema fedha za mfuko wa mkopo kwa wanawake, vijana na watu wenye ulemavu zikatumike kwa ajili ya kusaidia vijana wengi na watu wa makundi hayo wanapata ajira za kudumu.

“Kuliko kutoa bilioni 1.1 kwa kuyapa makundi hayo mkopo ni vyema fedha hizo zikatumike katika ujenzi wa viwanda, mfano kwa mwaka huu wa fedha Halmashauri inatarajia kutoa mkopo wa Tsh bilioni 1.1 kwa wanawake, vijana na watu wenye ulemavu fedha hii ingeweza kujenga kiwanda ambacho kingeweza kuongeza ajira kwa wananchi pamoja na kuisaidia Halmashauri kuongeza mapato kupitia kiwanda hicho”. Alisema Kitila Mkumbo.

Kutokana na Ubungo kuwa ni kitovu cha elimu basi ijengwe maktaba kubwa ya kisasa ambayo itaenda kusaidia wanafunzi kujisomea lakini pia kuongeza mapato kwa Manispaa.

Aidha viongozi wa vyema rafiki vya  siasa wamempongeza DC kwa jinsi anavyotekeleza majukum yake kwa weledi na mambo yanakwenda vizuri.

Nae Mstahiki Meya wa Manispaa hiyo Mh Jaffary Juma Nyaegesha amewapongeza wajumbe wa Kikao hicho lakini pia amesema Manispaa ipo tayari  kuyapokea maoni na mapendekezo yote yaliyotelewa.

Katika mwaka wa fedha 2022/2023 Halmashauri ya Manispaa ya Ubungo inatarajia kukusanya/kupokea  fedha kiasi cha Tsh bilioni 105.8 kati ya fedha hizo Tsh bilioni 77.3 ni ruzuku kutoka serikali kuu, Tsh bilioni 26.5 ni fedha za makusanyo ya ndani ya Halmashauri, Tsh bilioni 1.3 ni fenda za wafadhili na Tsh milioni 6.3 ni mchango wa wananchi.