MAADHIMISHO YA SIKU YA CHAKULA DUNIANI YAFANA UBUNGO

Posted on: October 16th, 2023

Manispaa ya Ubungo imeadhimisha siku ya Chakula Duniani  tarehe 16 oktoba, 2023 na Maadhimisho hayo yameenda sambamba na Kauli mbiu isemayo "Maji ni maisha, Maji ni chakula hakuna wakuachwa nyuma"

Katika maadhimisho hayo yaliyofanyika katika viwanja vya Manispaa ya Ubungo, mgeni rasmi alikua Mkuu wa Idara ya Kilimo, Mifugo na Uvuvi Archie Mntambo ambaye pia amemwakilisha Mkurugenzi wa Manispaa ya Ubungo alisema kuwa  maadhimisho haya huadhimishwa na nchi zaidi ya 130 duniani kwaajili ya kuhakikisha kila mtu anapata lishe bora

Mntambo, aliendelea kusema kuwa Kila mmoja anatakiwa kuhakikisha anakunywa maji ya kutosha na ndomana kauli mbiu ya mwaka huu inasisitiza juu ya umuhimu wa maji katika maisha ya binadamu

Maji yanatakiwa kwa kiasi na mtu mzima anatakiwa kunywa maji yasiyopungua glasi 6 kwa siku. Alisisitiza Mntambo

Mntambo, Alisisitiza kujihadhari na mvua zinazotarajiwa kunyesha "El-Nino" kwa kulima mazao yanayohitaji maji mengi ili kuendeleza usalama wa chakula.

Aidha, Afisa Kilimo Manispaa ya Ubungo Editha Chilongani alisisitiza watu kuzingatia ulaji wa vyakula kwa kuzingatia makundi ya mlo kamili ili kuujenga na kulinda mwili dhidi ya magonjwa 

Aliendelea kusema kuwa mlo kamili unahusisha makundi 6 ya vyakula na dunia ina adhimisha siku ya leo ya kilele cha siku ya chakula duniani

Nae, Mratibu wa siku ya chakula Wilaya ya Ubungo, Stella Nzelu alisema kuwa siku ya chakula duniani ilianzishwa mwaka 1979 na  shirika la FAO (shirika la chakula duniani) lengo ni kuujulisha umma umuhimu wa chakula

Aliendelea kusema kuwa, kutoka na kauli mbiu ya mwaka huu Maji yamechukua 80% katika maisha ya mwanadamu ili tuishi tunahitaji kunywa maji yakutosha na Maji katika maisha ya kawaida hutumika katika kilimo,ufugaji,kuoshea vitu mbalimbali vitumikavyo na binadamu

Alimalizi kwa kuwashukuru Wadau walioshiriki katika maadhimisho hayo ambao  ni IITA na wakulima walioonyesha mazao mbalimbali wanayozalisha sambamba na bidhaa zinazotokana na mazao hayo

Mkuu wa Idara ya Kilimo,uvuvi na mifugo Archie Mntambo akikagua vikundi mbalimbali vya wakulima vilivyoshiriki katika maadhimisho ya siku chakula