MAKARANI WANOLEWA KUANZA KAZI ZOEZI LA UANDIKISHAJI ORODHA YA WAPIGA KURA UCHAGUZI WA SERIKALI ZA MITAA NOVEMBA 27, 2024

Posted on: October 7th, 2024

Manispaa ya Ubungo leo tarehe 7/10/2024 imetoa mafunzo kwa Makarani waandikishaji wa orodha ya wapiga kura katika uchaguzi wa viongozi wa Serikali ya Mtaa 2024 zoezi litakalofanyika kwa muda wa siku 10 kuanzia tarehe 11 oktoba hadi 20 oktoba 2024

Mafunzo hayo yaliyoambatana na  ulaji wa viapo vya uadilifu na utunzaji wa siri ni  mwendelezo wa maandalizi  ya zoezi la uchaguzi ambalo litafanyika mwezi novemba tarehe 27 ambapo waliojiondikisha ndio watapata haki ya kupigia kura viongozi wa mtaa kwa nafasi ya Mwenyekiti na  wajumbe wa kamati ya maendeleo ya mtaa.

Akifungua mafunzo hayo ambayo yatafanyika kwa muda wa siku mbili,  Msimamizi Msaidizi wa Uchaguzi Manispaa ya Ubungo Bi. Kissah Mbilla amewataka Makalani waandikishaji  kuzingatia kanuni, sheria,  miongozo na Maelekezo  ya serikali katika zoezi hilo ili kufikia lengo la kuandikisha watu wote wenye sifa za kupiga kura.

Aliendelea kuwaeleza kuwa ni muhimu kila mmoja kuzingatia muda wa kazi kwa kuwahi mapema katika kituo chake na kufuata yale yote watakayofundishwa katika mafunzo hayo

"Kila mmoja azingatie kiapo alichoapa na hii kazi inahitaji kuwa mwaminifu" amewasisitiza Mbilla