TARI YAWAJENGEA UWEZO WATAALAMU WA KILIMO MANISPAA YA UBUNGO JUU YA KANUNI BORA ZA KILIMO

Posted on: March 29th, 2021

 Maafisa kilimo Manispaa ya  Ubungo leo tarehe 29/3/2021 wapigwa msasa kuhusu  elimu ya  kilimo rejea  cha Viazi na Mihogo na Taasisi  ya utafiti wa Kilimo Tanzania - TARI ( Tanzania Agriculture Reserch Institute) kilichopo Kibaha

Lengo la mafunzo rejea hayo ni kuwajengea uwezo maafisa ili kutoa huduma ya ugani stahiki  kwa wakulima katika uzalishaji inayopelekea kuongeza tija katika kilimo biashara na ukuaji wa uchumi na viwanda

Aidha mwezesha wa mafunzo hayo Dk Ester Masumba alisema kuwa ni  vyema kufata kanuni na sheria zinazohusiana na kilimo iliuzalishaji uwe wa kiwango cha juu

Esther aliendelea kwa  kuwaasa wataalam kuhakikisha wanazingatia  matumizi ya mbegu sahihi na zenye ubora  mashambani na kufuata hatua za kilimo bora  ili kupata mazao kwa wingi

Aidha Bi.Hildelitha Msita Meneja wa TARI  aliwasisitiza wataalam kuhakikisha wanazingatia mafunzo hayo ilikuimalika zaidi  katika kilimo 

Sambamba na hayo Mkuu wa Idara ya Kilimo, Ushirika na Umwagiliaji Manispaa ya Ubungo Happness Mbelle aliushukuru uongozi wa TARI  na kuomba kuendeleza ushirikiano uliopo kati ya watafiti na wagani kwa maendeleo zaidi  katika maswala ya Kilimo.