UBUNGO IKO VIZURI, ZIARA YA MHE. WILIAM LUKUVI

Posted on: September 18th, 2024

Waziri wa Nchi, Ofisi ya Waziri Mkuu (Bunge, Sera na Uratibu) Mheshimiwa Wiliam Lukuvi amefanya ziara Wilaya ya Ubungo na kutembelea tanki la maji Mshikamano lililopo kata ya Mbezi na kuipongeza Ubungo kwa kufanikisha ujenzi wa tanki hilo ambalo linasambaza maji kwa watu wasiopungua laki mbili na limejengwa kwa gharama ya shilingi bilioni 4.8

Mheshimiwa Lukuvi amefanya ziara hiyo  tarehe 18/9/2024  na kusema kuwa Ubungo imekuwa ni wilaya ambayo imekuwa kwa kasi na Serikali imeendelea kuleta fedha ambazo zimetumika kuhakikisha wananchi wanapata huduma bora na kupitia mradi wa tanki  hilo lilipo  kata ya mbezi imesaidia kutatua changamoto ya maji kwa watu wengi  na kwa asilimia  kubwa huduma ya maji inapatikana

Na katika upande wa afya Mhe. Lukuvi amepongeza Ubungo kwa kufanikiwa kwa kiasi kikubwa ambapo mpaka sasa ubungo ina asilimia 100 katika ujenzi wa miradi ya afya na imekamilika na wananchi wananufaika na huduma za afya katika vituo 

Akiendelea na ziara hiyo Mhe. Lukuvi  ametembelea mradi wa kituo cha afya kimara ambapo ujenzi wake  umekamilika na kituo hicho ambacho kwa sasa wananchi wa kimara na maeneo ya jirani wanapata huduma.

Aliendelea kwa kusema kuwa, kituo hicho kimekamilika kwa fedha za serikali na wadau ambao ni kanisa la watakatifu wa siku za mwisho waliochangia kiasi cha shilingi milioni 418 zilizotumika kumalizia ujenzi  wa awamu ya pili ikiwa ni ujenzi wa gorofa ya pili na mpaka sasa  wananchi wanapata huduma katika kituo hicho

Nae Mkuu wa Wilaya ya Ubungo Mhe. Hassan Bomboko amemshukuru waziri Lukuvi kwa ujio wake na kusema kuwa Ubungo inaendelea kujivunia uongozi wa Rais wa awamu ya sita ambapo kwa kipindi cha miaka mitatu mfululizo jumla ya bilioni 11 zimeshafika ubungo kwa ajili ya  utekelezaji wa miundombinu ya miradi ya afya, vifaa tiba

Na katika upande wa elimu jumla ya bilioni 19 zimeletwa ambazo zimeenda kuleta maendeleo katika upande wa elimu msingi na sekondari katika kuboresha utoaji wa elimu