UBUNGO KIJIGITALI,VISHIKWAMBI 14 KWA MAAFISA KILIMO

Posted on: December 8th, 2023

Maafisa Kilimo 14 Manispaa ya Ubungo wamekabidhiwa vishikwambi kwa ajili ya kuwawezesha maafisa hao kufanya kazi zao kidijitali na hivyo kuongeza ufanisi  katika kazi.

Akiongea kabla ya kuwakabidhi vishikwambi hivyo Mkuu wa idara ya Kilimo Mifugo na uvuvi wa  Manispaa hiyo Archie Mtambo  amesema kuwa vimetolewa wizara ya kilimo na kuwataka maafisa ugani kuzingatia malengo makuu ya  vitendea kazi hivyo ikiwemo kuhakikisha usajili wa wakulima kwenye mifumo ya pembejeo unafanyika kwa wakati na kwa ufanisi unaotakiwa. 

"Tunaishukuru Wizara ya kilimo kwa kutuwezesha sisi wataalam wa kilimo vifaa hivi vya tehama kwani utebdaji kazi sasa unaenda kidigitali" alieleza Mtambo

Aidha, Mtambo amewasisitiza wataalmu hao kutumia vishikwambi hivyo kutoe elemu kwa wakulima kwa njia ya video pamoja na kupima ukubwa wa maeneo kwa kutumia program ya matumizi ya GPS iliyounganishwa kwenye vifaa hivyo.

Maafisa kilimo hao wamesisitizwa kutumia vishikwambi hivyo kwa matumizi sahihi na kuvitunza kwani lengo la serikali ni kuona mnatekeleza majikumu bila vikwazo.

Akiongea kwa niaba ya maafisa kilimo waliopata vishikwambi hivyo Editha Chilongani ameishukuru Serikali kwa kuwawezesha vitendea kazi hivyo kwani vitaleta ufanisi na kurahisisha utendaji kazi kwani awali walikuwa wanatumia simu zao. Alisema Editha