WALIMU WA AFYA MASHULENI WAJENGEWA UWEZO KUHUSU LISHE

Posted on: February 22nd, 2023

Mapema leo Februari 22, 2023 walimu wa Afya mashuleni wamepewa elimu kuhusu  uzingatiaji wa ulaji wa lishe bora mashuleni ili kuhakikisha wanafunzi wanakuwa na afya bora ili kuepukana na magonjwa 

Katika kuhakikisha wanafunzi wanapewa lishe iliyo bora walimu hao wamesisitizwa kuwafundisha namna ya  ulaji wa makundi mbalimbali ya  mchanganyiko wa vyakula  vyenye kujenga na kulinda mwili 

Akitoa elimu hiyo Afisa lishe wa Halmashauri ya Manispaa ya Ubungo ndugu Herieth Mbukuzi aliendelea kusisitiza katika uzingatiaji wa vyakula ambavyo vinakua na mchanganyiko wa makundi mbalimbali ya lishe yanayolenga kuimarisha mwili 

Tuepukane na utumiaji wa mafuta mengi, sukari kwa wingi na chumvi. Alisisitiza 

Ulaji wa vyakula bila ya kuzingatia lishe bora kunaweza kusababisha magonjwa, tuzingatie hili

Walimu wakijengewa uwezo katika maswala ya lishe mashuleni

Aidha Shubira Bachuba  mratibu wa afya mashuleni amesisitiza swala la ukatili wa watoto mashuleni lizingatiwe kwa kukemea vitendo viovu kwa wanafunzi sambamba kwa kuwapa elimu ya kuepukana na vishawishi 

Aliendelea kwa kusema kuwa watoto mashuleni wanatakiwa kupewa uangalizi mkubwa hasa kwa wale wanaojiingiza katika makundi mabovu kuhakikisha tunawaelimisha ili waweze kuachana na mambo hayo

Akitoa shukrani kwa niaba  mwalimu Anna amesema kuwa elimu waliyopata ni mtambuka na watahakikisha swala la lishe mashuleni linaenda kuwekewa kipaumbele