WENYEVITI WA MITAA NA WAJUMBE WAAPISHWA UBUNGO

Posted on: November 28th, 2024

Wenyeviti wa Mitaa na wajumbe waliochaguliwa kwenye uchaguzi wa serikali za mitaa katika halmashauri ya Manispaa ya Ubungo wameapishwa  Novemba 28, 2024, ili waanze kutekeleza majukumu yao ya kazi kwa mujibu wa sheria.

Wenyeviti hao wa mitaa 90 ya halmashauri ya Manispaa ya Ubungo wamekula kiapo mbele ya Hakimu wa mahakama ya Wilaya ya Ubungo ndg. William Kaaya baada ya kumalizika kwa zoezi la uchaguzi jana Novemba 27, 2024 ambapo Msimamizi wa uchaguzi Ndg. Aron Kagurumjuli amesema uchaguzi wa serikali za mitaa uliomalizika ulifuata kanuni na miongozo iliyoweka ya uchaguzi huo. 

Baadhi ya Wenyeviti na wajumbe waliochaguliwa, baada ya kula kiapo wamesema watafuata utaratibu wa kisheria na kanuni za uendeshaji wa mitaa kwa kuunda kamati za kudumu ili kusiamamia maendeleo ya mitaa yao. 

Wamesema kwa kushirikiana na Halmashauri wataongoza shughuli za uzalishaji, na watawatumikia wananchi kwa misingi ya utawala bora.