ZIARA YA DC KHERI KATA YA MBEZI

Posted on: September 20th, 2021

Mkuu wa wilaya ya Ubungo  Mheshimiwa Kheri James amefanya ziara katika kata ya mbezi na kutembelea miradi ya maendeleo inayotekelezwa  na  kutatua  kero za wananchi wa Kata hiyo

Akizungumza wakati wa ziara  hiyo  tarehe 20, septemba, 2021 Kheri amesisitiza wataalam,viongozi  pamoja na  walimu wa shule zilizotembelewa  kuhakikisha  utekelezaji wa miradi unafanyika kwa uweredi  na ufanisi hasa kwa  kuzingatia thamani ya fedha zinazotumika

Alipotembelea mradi wa ujenzi wa ofisi  ya mwalimu mkuu  Mbezi iliyojengwa kwa nguvu  wananchi alisisitiza  ukamilishwaji wa mradi huo  kufanyika kwa haraka iliwananchi waweze kuona matunda ya jitihada zao

Aidha ametembelea mradi wa Madarasa mawili na Ofisi moja shule ya sekondari Mbezi inn,Ujenzi wa Barabara na  daraja la Beda Amuri, kizimba Cha maji - kitope,ujenzi wa Madarasa 4 ,ofisi 1 na vyoo matundu 12 shule ya Msingi Makabe na utatuzi wa mgogoro wa uendeshaji stendi ya daladala Msumi baina ya madereva na wazawa