WATENDAJI TOENI ELIMU KWA WAZAZI KUHUSU SUALA LA LISHE KWA WATOTO" DC MSANDO

Posted on: December 19th, 2025

Mkuu wa Wilaya ya Ubungo Mhe. Albert Msando amewataka watendaji wa kata na mitaa kuendelea kutoa elimu  kwa wazazi kuhusu umuhimu wa lishe bora kwa watoto na kuhakikisha wanawawezesha kupata chakula cha mchana shuleni ili kuchochea ufaulu wao.
Amesema hayo  Disemba 19, 2025 katika kikao cha tathimini ya lishe ya Wilaya ambapo amewasisitiza umuhimu wa uwajibikaji na ufuatiliaji wa mara kwa mara hasa mashuleni kwa lengo la kujua takwimu na hatua zinazochukuliwa kukabiliana na upungufu wa lishe bora kwa watoto.
Mhe. Msando ameeleza  kwamba Kufanya kazi kwa bidii ni jukumu la msingi, ufutiliaji wa mara kwa mara wa watoto katika mitaa na kata ambao wanapata changamoto za lishe hasa kwa kuonana na wazazi na kuwasitiza kuhakikisha wanafata lishe iliyobora kuepukana na utapia mlo na maradhi yatoka nayo na lishe hafifu.

Nae, afisa lishe Manispaa ya Ubungo Bi. Herieth Mbukuzi Amesoma taarifa ya lishe kwa robo ya kwanza ya julai-septemba na kusema kuwa Ubungo imepata mafanikio makubwa kwa kipindi Cha kutoka julai hadi spetemba ambapo  kwa sasa hali ya udumavu imeendeleza kupungua kutoka 1.2% kipindi Cha April 2025 hadi juni 2025 na sasa julai hadi septemba imekuwa 0.2, na hii imetokana na mikakati mbalimbali katika kutekelezwa afua za lishe ikiwemo kuwahimiza kina mama kula mlo kami na kuendelea kuwanyonyesha watoto watoto wao hadi miaka 2

Hivyo, naendelea kuwasisitiza kila mmoja katika kata na mitaa yake kuhakikisha atoa elimu juu ya umuhimu wa kuzingatia lishe bora kwa watoto ili kuondokana na udumavu na utapia mlo kwa watoto. Amesisitiza Herieth
Akizungumza katika kikao hicho Kaimu Mkurugenzi Manispaa ya ubungo Lawrence Cheche amewataka watendaji wanapokuwa katika vituo vyao vya kazi wafanye kazi kwa weledi na kuzingatia majukumu yao, ameendelea kuwaeleza kuwa suala la lishe ni mtambuka hivyo ni vyema elimu iendelee kutolewa kwa jamii.