MADIWANI UBUNGO WAPITISHA AJENDA ZA MAENDELEO, WASISITIZA UKUSANYAJI WA MAPATO

Posted on: February 11th, 2026

Baraza la Madiwani  Halmashauri ya Manispaa  Ubungo tarehe 11 Februari wamekutana Katika  kikao cha robo ya pili kwa mwaka wa fedha 2025/2026 ambapo wamesisitiza ukusanyaji wa mapato pamoja na ubunifu wa vyanzo mbalimbali sambamba na kupitisha ajenda zilizowasilishwa na  Kamati za kudumu za madiwani.

Baada ya majadiliano ya kina, wajumbe wamethibitisha na kupitisha ajenda zilizowasilishwa ili kuruhusu utekelezaji wake kwa mujibu wa taratibu na sheria zilizopo.

Aidha, ajenda zilizopitishwa zinahusu masuala ya kuboresha huduma za kijamii, kuimarisha miundombinu, kuboresha masuala ya elimu, usimamizi wa mapato na matumizi, pamoja na kuendeleza miradi ya maendeleo kwa manufaa ya wananchi wa wilaya  ya Ubungo.

Uamuzi huo unalenga kuongeza ufanisi katika utendaji kazi wa Kamati na kuhakikisha kuwa shughuli za maendeleo zinaendelea kwa uwazi, uwajibikaji na tija kwa jamii.

Aidha,wajumbe baraza hilo wamewahimiza wananchi kuendelea kushirikiana na viongozi wao katika kata zao na Mitaa Ili kuleta maendeleo