MANISPAA YA UBUNGO YAKABIDHIWA APARTMENT NA KAMPUNI YA GIMCO BAADA YA KUSHINDWA KUZIPANGISHA

Posted on: January 4th, 2021

Manispaa ya Ubungo leo tarehe 4 januari, 2021 imekabidhiwa apartment  zilizopo Msasani eneo la Osterbay Villa  jijini Dar Es salaam kutoka kwa kampuni ya GIMCO baada ya kushindwa kupata wateja wa kupanga apartment hizo Kwa muda wa mwaka mmoja  tangu waingie mkataba.

Manispaa imefikia uamuzi huo  baada ya kuona apartment hizo kama moja ya chanzo cha mapato kutoiingizia kabisa mapato Manispaa hiyo kwa muda wa mwaka mzima ili itafute  wakala au kampuni nyingine inayoweza kupangisha na hatimaye manispaa iweze kupata mapato kutoka kwenye Uwekezaji huo.

Akiongea wakati wa kukabidhiwa apartment hizo, Afisa Biashara wa Manispaa hiyo Prisca Mjema amesema kuwa baada ya kuona  kampuni ya GIMCO imeshindwa kutekeleza mkataba, "tumeamua watukabidhi apartment  zetu ili tutafute kampuni  nyingine itakayoweza kutekeleza kazi hiyo ili Manispaa ipate  mapato kutokana na Uwekezaji huu"

Kwa upande wao kampuni ya GIMCO wameeleza kuwa wako radhi kukabidhi apartment hizo kwa Manispaa ya Ubungo ili wazipangishe kwa utaratibu watakaoona unafaa.

Afisa biashara wa Manispaa ya Ubungo Prisca Mjema ( wa upande wa kulima )akipokea funguo na nyaraka za nyumba saba zilizopo kwenye apartment za osterbay Villa na Mawenzi leo tarehe 4 januari, 2021